Buhay PUPT Part 3 - Last Part :)

July 29, 2008 9:40AM

Magtatanghali na pero inaantok parin ako..
hindi manlang ako nagising ng paglalakad ko
mula sa bahay namin hanggang sa sakayan sa
bicutan..

hindi manlang ako nagising ng nakamamatay
na amoy ng palengke.. may sipon parin naman
ako pero hindi talaga uubra sa amoy ng
bicutan.

sabi nga ni deuxe, kahit makatulog sya sa
byahe e alam na nya kung malapit na syang
bumaba.. pag naamoy na nya ang bicutan..

buti na lang e hindi ako nadudukutan..
pero pag nadukutan e malas talaga..malas
yung mandurukot. Mukha kasing mas maganda
pa ang celfone ng mga mandurukot sa bicutan
kesa sa nasa maluwag kong bulsa.

Sa antok ko e hindi ko na namalayan na
maling daan na pala ang dinaanan ko kanina.
sa paglalakad e mapupunta ka sa dalawang
magkaibang daan:papuntang PUP at
papuntang SM City Bicutan. Ang sakayan ng
mga bus e nandun malapit sa SMB samantalang
ang daanan ko e yung papuntang PUP..

Nakasanayan ko na ang daan papuntang PUP..
Limang taon din akong naglalakad mula sa
bahay namin papunta dun.. Kahit tulog
siguro e makakarating ako ng PUP..

Salamat sa pink na footbridge ng MMDA,
hindi ako nasagasaan.. Kahit tulog e pwede
kang maglakad dun basta meron kang ‘rollers’
sa left at right arms mo na parang tamiya.

Habang naglalakad e madami akong mga
nakakasabay na mga estudyante. Elementary,
High school, College.. Iba’t ibang itsura,
uniporme, hairstyle, at eskwelahan..
May maganda at gwapo.. karamihan hipon..

Hindi ko maiwasang maalala ang PUPT..

Dati kasi e isa lang ako sa mga estudyanteng
nagmamadaling maka-graduate.

Isa lang ako sa kanilang nagsasawa na sa
assignments, projects, quizzes, reviews,
midterms, finals, mukha ng mga Professors
na halos araw araw mong nakikita sa ground
floor, 2nd floor hanggang 4th floor ng PUPT.

Ilang buwan matapos na makasama ako sa
listahan ng mga alumni ng PUPT e nag-iba na
ang buhay ko..pati buhay ng mga kapwa ko
fresh grad..

Kasabay ng pagtanggal ng uniporme ang
katotohanang balang araw ay hihingi ka
na din ng dagdag na sahod. Isa sa mga
katotohanang dati ay sa TV lang natin
nakikita.

Kasabay ng pagtanggal ng student ID ang
katotohanang wala ka ng discount sa mga
pampasaherong sasakyan. Na-miss ko talaga
ang pagsasabi ng "Bayad po, studyante lang"
habang iniaabot ang aking pamasahe.

Kasabay ng announcement sa radyo ang
paalalang may pasok ka ngayon.. hindi ka
na estudyanteng apektado ng minsan ay
maling announcement ng PAG-ASA kung may
pasok o wala, kung may bagyo o wala.

Namimiss ko ang old joke na "walang pasok!
BASA ang PANTY ng TITSER MO!"

Bawat araw lumilipas, bawat araw
papalapit ang graduation..
Kung makapagtatapos ka o hindi,
ikaw lang ang makapagsasabi.
Pero alam kong hindi lang ako ang
makaka-ramdam nito, dalawang bagay na
binubulong sa magkabilang tenga mo:

1. Gusto ko nang maka-graduate agad..
..kase nakakatamad na mag-aral

2. Ayaw ko pa maka-graduate..
..mamimiss ko sila*

1 or 2? mamili ka.. pero kahit anong piliin
mo e nanjan ang katotohanang kelangan
nyong umalis. kelangan nyong maghiwalay
ng landas..

=====

Maliit lang ang mundo, yan ang sabi nila.
Hindi mo alam kung ilang beses mo ‘ko
makakasalubong sa daan, hindi mo alam
kung ilang beses kang magpapalibre ng
pamasahe saken sa tuwing makakasabay kita
sa byahe.

Gumana na naman ang malikot kong utak..
Narito ang ilang mga sitwasyon maaari mong
kalagyan pag pinaglaruan ka ng tadhana:

1 -
Ang sarap ng kinain mong street food sa
daan pagbaba mo ng bus sa kahabaan ng
EDSA. Ilang minuto lang, nagmamadali ka
na. Napatingin ka sa relo, male-late
ka na. Pero sa lupit ng pagkakataon,
sumakit ang tyan mo dahil sa kinain mo.
Kinailangan mong magbanyo, pumasok ka sa
isang mall, naghanap ng pinakamalapit
na restroom.. madaming tao, lipat ka
ngayon sa susunod na restroom.. Halos
madapa ka na habang nag-uuntugan ang mga
tuhod mo. Sa kabilang direksyon, may
isa ring katulad mong pinarusahan ng
tyan dahil sa pagkaen ng streetfood..
Nagmamadali kayo, sabay ang galaw,
patas ang bilis.. Magsasabay kayo ng
taong ito sa pintuan. Hindi nyo magagawang
paunahin ang isa’t isa dahil pareho kayo
ng kalagayan.. Saka mo lang mapapansin
na dati mo syang classmate.. shet!
ang classmate na pinagkakautangan mo
ng pinambayad mo para maka-graduate!
Nampoteks! Buti na lang swelduhan kahapon!
Salamat sa tae.. Nagkita kayo..
Magkwentuhan na lang kayo habang nakaupo..
dingding lang ang pagitan! wahahaha!!!

2 -
Rush hour. Nagmamadali ang lahat..
Tatawid ka bigla.. hindi mo namalayan ang
isang mabilis na kotse.. Wapak!!!
Nabundol ka! Galit na galit ka at
mapapamura.. SHET!!
Wala kang magagawa. Nangyari na. Bubukas
ang pinto ng kotse.. Saka mo malalamang
classmate mo ang nakabangga sa’yo..
Bonding kayo sa ospital.. tsk tsk tsk..
magastos na pagtatagpo..

=====

Patuloy ang paglalakad..
May nahuhuli, may nauuna..
Iba’t ibang kausap, iba’t ibang kasama,
pero iisang section. isang grupo.
Isang exit.. ang gate ng PUPT.

Patuloy ang paglalakad..
May nahuhuli may nauuna..
Pwede bang magpaiwan? - Bahala ka.
Pwede bang huminto? - hindi.
Pwede bang bagalan? - hindi.
Pwede bang bumalik? - Hindi.
Pwede bang lumingon? - OO..

Masarap lumingon. Malalaman mo kung
gaano na kalayo ang narating mo.
Maglakad ka patalikod, Hindi ka babangga.
May kasama kang handang alalayan ka.
May mga kasama kang makakapitan kung
matutumba ka.
Masasandalan pag napagod.

Malapit ka nang lumabas.. ilang hakbang na
lang.. Mas lalong hihigpit ang kapit mo
sa mga kasama..ayaw mo nang bumitaw..
gusto mong bumalik.. sana panaginip lang.
Sana 1st year ka ulit.

Kasado na ang lahat.. diploma na lang
ang hinihintay.

Pero teka, san ba tayo pupunta?
Hindi ko alam.. Wala akong idea..
Sinong makakasabay ko? sinong mauuna?
Sinong mahuhuli? Ewan ko..
Pwede bang dito muna tayo? - Hindi.
Sandali lang.. Kahit isang minuto..
Tignan mo, kahapon lang nandun tayo..
Kahapon lang madami pa tayo..
ngayon, ayo na lang ang magkakasama.
Kelan kita ulit makikita?
Hindi ko alam.. Bahala na..

txt txt na lang.. pag sweldo mo,
"Pa-cheese burger ka naman..Burger! Burger!"

Buhay PUPT Part 2

Buhay PUPT Part 2

Kung taga PUPT ka, wala kang matinong schedule… Magkakaroon ka ng sched kung
saan ang una mong subject ay sa umaga at ang sunod mong klase ay 6pm.. Ok lang
kung malapit ang bahay mo sa PUPT..Pero kung malayo naman, lalo na at 1st year
ka pa lang, hindi pa close sa classmates, walang kakilala, bago sa maynila,
walang social life* o ngtitipid ng pamasahe, MABULOK KA SA PUPT!!! ahehe..

marami kang naman pagpipiliang gawin sa loob ng campus:

1. Kung lalake ka at medyo mahilig sa basketbol, ito ang sa’yo…
Manood ng mga balat kalabaw at basketbol takaw na mga solar boys, ang mga
siga ng hard court..mga players na kung maglaro e kala mo walang pang-gatas,
buhay ang nakapusta o sunugan ng bahay ang laban..Takte yan, pagkatapos ng
laban abutan na ng pusta..mapapamura ka nalang pag ice tubig lang ang pusta
nila..Masasabi mo sa sarili mo:

"Kelangan bang mapagod muna para makainom ng ice tubig?"

Pag lagi kang nanood sa kanila, hindi magtatagal solar boy ka na din..
Sa wakas may mga ka-close ka na..

2. Kung ikaw naman yung tipong mahilig magbasa, at gusto sa tahimik na lugar,
magpunta ka ng library, makakakita ka ng mga katulad mo dun..
mga nagkokopyahan..ahehe..tama ba? maraming libro dun..masyadong madami
pagpipilian kaya mamili ka na lang…kung magbabasa ka o matutulog..ahehe..

3. Kung ikaw yung tamad, ayaw magbasa, o mapawisan sa basketbol, tumambay ka na
lang sa kiosk, dito masarap tumambay pagkatapos magtanghalian, bakit
tanghalian? sabi kasi sa chronicler, ang newspaper ng PUPT, pag tanghali ka
lang makakatambay ng maayos sa kiosk kasi nasa itaas ang araw..gudlak balat mo
pag tumambay ka dun pag 9am-11am o 2pm hanggang hapon..
bored ka na, tutong ka pa!! ahehe…

May suggestion naman ako, tambay ka na lang sa 3rd floor or 4th floor..dun
sa side kung saan nakaharap sa camp bagong diwa…mahangin dun eh…
mukha ka nga lang tanga…

Kung ikaw naman yung 1st year na may mga kaibigan na, o medyo nagpapakilala pa
lang din kasi friendly ka…basahin mo to..kung higher year ka naman, malamang
naranasan mo din ‘to..

Magkakayayaan kayo ng mga kasama mo…ito ang naranasan ng iba..siguro ikaw din..

1. Dahil mahilig mag-mall ang grupong sinamahan mo, maririnig mo to:

"Guys gusto nyo bang tumambay sa SMBicutan? Medyo mainit kasi eh"

Kahit mainit, tatambay kayo sa Building C** ng PUPT, ang pinakamalapit na
mall..ilang minuto lang lalakarin at ilang minuto mo lang din malilibot…
Dahil wala ka ding magawa, o bago lang sayo ang SMBicutan, o kasama sa grupo
ang crush mo, o gusto mong magpa-cute sa ibang freshmen na tatambay din dun,
sasama ka at makikitambay..kung mapera ka, madami kang magagawa dun..kung
wala, magtiis ka! magutom ka! mainggit ka! ahehe..

"Guys nakakagutom, kain muna tayo.."

"Mga tol tambay tayo quantum, matatalo nyo ba ‘ko sa dance rev??"

"punta tayo videoke, kakantahin ko ung bago ng cueshe just for u"(oh shet!)

Gudlak sa inyo…pagod k na, pagod pa bulsa mo….

2. Computer addict ka na bago pa man pumasok ng PUPT kaya malamang, yung mga
mahihilig sa computers ang sasamahan mo.. Dahil sa addict ka nga, kahit hindi
na kayo kumain basta uubusin mo ang natitira mong bakanteng oras para maglaro
kasama ang mga kapwa mo adik. Maglalaro kayo ng counter strike, warcraft,
at iba pang LAN games.. KJ ka pag hindi ka sumali..tatamarin ka ring mag-chat
kasi maraming chatmoso..ang mga taong nakiki-usyoso sa chat window ng iba..
tae yan.. Magkakaalaman na kung sino ang magaling at ang magaling mag-ingay..

"Taenang yan ang galing nun amf…"

"Shet napatay ka ring hayup ka!! wooooo!!"

"Tangina nyo hindi ba kaya ng isang kalaban? ulol hindi nyo ko kaya!!"

"ulol wag ka na!! ahehe!! dedz ka!!! multi-player tong game na to boi!!"

"Tara 1 on 1 para magkaalaman na!!! tangina mo pakyu baluga ka ulol!!!"

"Lol bawal pikon dito!!!"

Kung nakakapatay lang ang mura baka wala ng nakauwi sa inyo…
Ganun lang ang ginagawa nyo sa tuwing sasapit ang araw na yon…
ahehe…papasok sa umaga, maglalaro sa bakanteng oras, magmumurahan, at papasok ng
6pm..

* Social life - ang tawag sa buhay ng mga computer adik
** Building C - ang SMBicutan…Building A at B lang ang nasa PUPT pero dahil
madami ring makikitang estudyante ng PUPT sa SMB, tinawag itong
Building C…

Buhay PUPT Part 1 - Nahanap ko tong blog na to ulet

College ka ba? taga-PUPT? ahehe..makakarelate ka kaya sa mababasa mo?

Freshmen ka sa isang astig na course(BSME ng PUPT) tapos ilalaban kau ng
higher year nyo sa speech choir kahit 2hours preparation lang ang meron kau..
Para ma-excuse naman sa klase, at isa ka ring tamad,sasali kau at papayag..
Kasi naniniwala ka din na pag M.E. ka, astig ka..ahehe…
sasabihin ng mga kuya nyo:

"Kami din ganyan dati at kinaya namin kasi astig kami, ME kami eh
dapat kayo din kasi nasa-ME kayu"

at gaganahan naman kau..yeah boy! Papasok sa inaalikabok na Drafting room,
magppraktis habang panay ang cheer at pang-uuto ng mga kuya-kuyahan..
Pagdating ng laban, mamemental block kau, at sa halip na speech choir,
para kaung pipi na puro actions lang habang ilan lang ang nagsasalita.
Makalipas ang ilang minutong pagtanga-tangahan, tatakbo kayo palabas
ng gym at magtatawanan sa canteen..yeah boy..astig ka nga..
parang tae ka naman..ahehe…

CWTS naman..Magtatanim kau ng saging, saging at saging.. parang banana
university..ahehe..hindi ko alam kung bakit kelangan pa nun eh ang mukha na
ngang gubat ung PUPT kase puro puno ng ang makikita mo..mga damo, at masasamang
damo..ahehe..pagdating ng end ng sem, wala namang mabubuhay sa mga saging na
yon kasi tatamaan lang ng bola ng varsity.. ang PUPT Solar boys!! tentenen!!!!
solar boys kasi kahit tanghali nagbabasketbol sila..ung mga panggabi naman na
ayaw maarawan, lunar boys..mga kwagong nangangapa sa dilim..siguro may bading
dun..ahehe..peace tayo!! gudlak na lang kung aabot hanggang bewang
ang mga tanim namin sa gilid ng basketbol court! Hindi ko alam kung anong grade
mabibigay dun..cguro matira matibay..ahehe..

CWTS parin..Pagdadalhin kau ng halaman para itanim sa gilid ng building A..
yung side na nakaharap sa guard house..ahehe..tapos hindi kayo magdadala..
sa araw ng taniman, kakalbuhin nyo ang isang nananahimik na halaman na kasing
tangkad yata ni tangkad(Brabante yun..poteks special mention pa).. kukunin
nyo ang mga sanga nito at itatanim kasi may matalinong nagsabi na tumutubo
yon kahit stem lang ang ibaon sa lupa..makikiuso ka at makikitapyas sa puno
para may itanim..hindi ka "cool" pag wala ka nun..ahehe..Maya-maya pa,
dadating ang prof nyo..magche-check ng tanim.. tapos biglang may magsasalita:

"ASAN NA YUNG HALAMAN KO?! ANDITO LANG YUN KANINA AH!!"

Nagkanakawan na ng tanim na ninakaw lang din naman at hindi naman talaga
nakatanim..nakapatong lang sa lupa..dahil ME ka, magaling ka sa mga
kalokohan..asang hindi..ahehe

CWTS ulet! Papasok ka sa PUP, tatambay kau sa ilalim ng puno sa gilid ng
Building A..Manonood sa ibang course habang nagpupulot ng basura, nagtatanim,
at nagwawalis habang naghihintay ng atendans..tapos magsasabi ang prof na
ang pipirma lang sa atendans ay yung may isang plastik na puno ng basura gaya
ng mga plastik, papel, at mga dahon..dahil ME ka, pupunta kayo sa basurahan sa
hacienda macarubs(ung gubat ng pup) at mamumulot ng plastik bag na puno ng
basura..un bang pinaghirapan ng ibang course na ipunin..tapos may atendans ka na..
ang talino talaga amf..yeah boy!

Chemistry class, 6PM, pagkatapos ng PE namin..pagod ka..tatamarin kang pumasok
agad sa klase ng matandang parang multo, hindi nale-late at bihirang umabsent!
takte yan..dahil tamad at nagkakaisa ang mga taeng napunta lang sa ME kasi puno
na ng studyante ang ibang course, tatambay kau sa zonta park na dindi mo malaman
kung isang maliit na golf course o play ground o lugar ng mga lovers na
nagzozontahan pag madilim..yeah boy!! Tatambay kau dun hanggang sa tamarin ang
prof..tapos may taeng dadating at papasok sa chem lab..takte yan.. nagklase sila
kahit 5 lang yata sila sa loob..magpapa-quiz ang matandang yon tapos bigla
kaming papasok na parang ninja..yeah boy…instant atendans kasi ang katumbas ng
quiz eh..

Chem class ulit..makulimlim.. tatambay ka ng kiosk habang maghihintay sa prof..
uulan ng malakas..tapos matutuwa kau kasi iisipin nyo na hindi makakadating ang
prof nyo..

"Hindi na dadating c mam..basa na panty nun.."

"Hindi na makakapasok un, babahain un.. o kaya liliparin ng hangin"

Pero sa gitna ng malakas na ulan..mapapatingin kas sa gate, papasok ang isang
matandang parang superhero na nanalo sa laban na straight body kung maglakad..
magbubukas ng payong..mapapamura ka kasi parang may power sya na hindi tatablan
ng ulan at hangin yung payong nya..walang ibang sound effects na tulad sa
cartoons kundi hangin lang at kulog..tae yan..at tuloy ang klase..
ayun..badtrip..

May 6pm class ka ba? ahehe..
uuwi kang gutom, tapos minsan sa paglalakad mo muntik ka nang mahagip ng sasakyan
tae kasing sidewalk yan..puro tricycle ang nakapweso..kung medyo tatanga-tanga
ka pa, madudukutan ka pa sa nagsisiksikang mga tao..o mahahablutan..
nawalan ka na, masasabihan ka pang tanga..ahehe..

Tag-ulan..mapapasarap ang tulog mo kasi malamig..tatanghaliin ka ng gising..
magmamadali ka..maglalakad ka sa bicutan na punong puno ng tao pag umaga..
kalaban mo ang antok at mga payong ng mga taong naglalakad din.. dahil male-late
ka na, iiwas ka sa mga nagsisiksikan..dadaan ka sa gilid kung saan dumadaan ang
mga sasakyan..mas mabilis naman kasi pag dun ka dadaan…

tapos biglang…

SPLASH!!!!!! Oh shet!!!

matatalsikan ka ng tubig baha na dulot ng isang mabilis na sasakyan..
mapapamura ka..mababasa ang damit mo na kakasuot mo lang din nung isang araw,
at madudumihan ang pantalon mo na iniingatan mo kasi buong linggo mo itong
isusuot..ahehe..na-late ka na dugyot ka pa!!! tapos dadating ka sa gate ng PUP,
basa ka, habang titigil ang ulan, parang cartoons na sisikat ang araw, lalabas ang
rainbow…ahehe…pagtitinginan ka ng mga classmates mo.. ayun..talo…
basa ng ulan ang suot mo pati sapatos..langya kasing bicutan
yan konteng ulan babaha..oh shet!!!!!