PH on Divorce: Morality vs Reality

Divorce: The action or an instance of legally
dissolving a marriage.
- Webster

Annulment is a legal procedure for declaring
a marriage null and void. Unlike divorce, it is
usually retroactive, meaning that an annulled
marriage is considered to be invalid from the
beginning almost as if it had never taken place
(though some jurisdictions provide that the
marriage is only void from the date of the
annulment).
- wikipedia

Yahoo News link
Maltese vote yes to divorce,
PH to be only country in the world
with no divorce

Maiksi lang tong article na to pero nagtagal ako
sa page kasi mas matagal basahin yung mga
comments galing sa readers. Ito kasi ang
nagpapasarap sa balita, ang opinyon mula sa iba't
ibang uri ng tao.

Sa unang tingin, parang.. wow, world record.
Tayo nalang ang bansang walang divorce. Siguro
para sa mga pari e malaking achievement ito para
sa pag-preserve ng "Filipino values". Kilala
din kasi tayo na family oriented people. Sa
sobrang tindi ng family bond e merong mag-asawa
na e nakatira pa sa magulang. Merong nakaka-limang
anak na e magulang pa ang bumubuhay.
Ganyan.

Masusulat nga ba tayo sa History books bilang
nag-iisang bansa na ayaw ng divorce? o huling
bansa na magle-legalize nito? Hindi man kasi
legal ang divorce sa Pilipinas e marami namang
gusto, takam na takam, sabik na sabik at inip na
inip sa araw na makalaya sa isang seldang papel
at kadenang kasulatan.

Ang kasal ay di tulad ng mainit na kanin na
pwede mong iluwa pag ika'y napaso. Gasgas na ang
matandang kasabihang ito. Isang mabigat na babala
sa lahat ng magkasintahang nagbabalak magpakasal.
Ito rin ang sermon ng mga biyenan sa mga anak
at manugang pag ang salitang A-S-A-W-A ay
nabawasan ng isang letra at ngayon ay S-A-W-A na.
At ang natitirang ugnayan na lang e A-W-A.
Kung hindi handa, wag muna.

Their anger hurts my ears
Been running strong for seven years
Rather than fix the problems,
they never solve them
It makes no sense at all.
I see them every day
We get along so why can't they?
If this is what he wants and this is what
she wants
Then why is there so much pain?
- Blink 182: Stay together for the kids

Hindi natin maikakaila na ngayon e maraming single
parents at mga broken families. Hindi mo masasabi
kung kelan babagsak ang haligi ng tahanan at kung
kelan mapupundi ang ilaw ng tahanan. Kung meron
mang higit na apektado e walang iba kundi ang
mga anak. Ang tahanang Diyos ang pundasyon
ay hindi kailanman magigiba.

Ang pinag-isa ng Diyos ay huwag paghiwalayin
ng tao - Mt. 19:6

Ang banta ng divorce ay malaking hamon hindi
lamang sa kakayanan ng simbahan kundi sa lahat
ng mananampalataya. Lahat ng tao ay binigyan
ng kalayaang magpasya para sa kanyang sarili at
ang pananatili sa gabay ng simbahan ay nasa
tao rin. Kahit ang Diyos ay hindi ka pinipilit
magsimba para sa kanya.

Hindi na nakagugulat na marami ang pabor
sa Divorce katulad ng sa RH Bill. Nariyan na
rin naman ang annulment. Hindi ko man masabi
kung anung pinagkaiba nito sa divorce e alam
ko namang pareho din ang silbi nito.

Kung mamamayan lang ang magpapasya e baka
matagal nang may divorce. Ang problema kasi e,
mga TraPo na sa Simbahan ang takbuhan pag
panahon ng kampanya.

Sa bandang huli, may divorce man o wala, tao
parin naman ang magpapasya kung anong sa tingin
nya e makabubuti sa kanya. Masisi mo ba si
kumare na alipin at hindi babae kung ituring
ni kumpare? Masisisi mo ba si Kumpare na walang
pahinga ang tenga sa kakatalak ni kumare?
Masisi mo ba ang simbahan na walang sawa sa
pagpapaalala sa mananampalataya?

Ang usapin ng Moralidad at Realidad ay isang
malaking sakit sa ulo. Ikaw?
A-lin ba ang pi-pi-li-in mo? e-to o e-to?
e-to? to-to-o ba? sa-bi ba ng Diyos? Oo?

Nung 90s, Lumalabas nga ba ang Tren at Pari Sa sugat?

Masarap maging bata ulit. Mapapaisip mo ito pag
medyo stressed ka sa trabaho o nakakita ka ng
mga batang masayang naglalaro. Kung magiging bata
ka ulit, bakit hindi? Masarap maging bata ulit.
Kumpara noon, mas madaming libangan ang mga bata
ngayon. Batang '90s ako. Laki sa isang ordinaryong
pamilya. Kung anu man ang maisulat ko e siguro
hindi lahat ng ka-edad ko e makaka-relate.

Naghanap ako ng kahit ano sa internet ng kung anu-
anong bagay tungkol sa dekada nobenta at hindi
lang pala ako ang gustong magsulat at magkwento
tungkol sa ilang bagay na "common" sa tulad
naming batang '90s.

Bago pa nauso ang mga HD at LCD TVs ngayon,
nauso muna ang mga Black and white TV. Hindi pa
uso ang remote control. Malilipat mo lang yung
channel sa pihitan na kala mo sa washing machine.
Mayaman kayo kung may colored TV na kayo agad.
Uso ang brownout kaya mas madalas ka sa labas
at naglalaro.

Kung uso ang PSP ngayon, may brickgame kami noon.
Meron pa ngang contest sa Eat Bulaga dati na
pataasan ng score. Mas advanced ang unit ng
brickgame mo kung meron itong F1 race, battle
tanks, at boxing. Hindi pa uso ang backlight
dati kaya mas cool ang unit mo kung may ilaw.

Hindi pa pinapanganak si Ben10 e madami nang
tagapag-tanggol ang buong mundo:

Si shaider at ang kanyang change costume scene
na may sound effects. Syempre hindi ka cool pag
hindi mo kayang gayahin yung pose nya. Ang cute
nyang chick na si Annie na kita yung panty na
mukang diaper pag may fight scene.

Si ultraman at magma man na madaling malobat
at alam mong nanghihina na pag nag-blink na
ng red yung ilaw nila sa dibdib.

Mas naeenjoy mo ang maskman kesa sa bioman
kase tagalog yung maskman at english ang bioman.

Kalaban mo sa panunuod nito ang mga matatandang
nanunuod ng boxing at sabong pag linggo.

Chinese variety shows ang palabas tuwing
umaga ng linggo. Tapos susundan ng Eh, kasi bata.

Napanuod mo ang Kwarta o Kahon. Tapos ADVAN yung
bidang sapatos kase pipili yung contestant ng
isa sa limang kahon na may letrang A-D-V-A-N.

Tagsawa ka sa TV ad ng Family rubbing alcohol
na hindi lang pampamilya, pang-sports pa.

Tuwing Biyernes gabi mapapanuod ang Power Rangers,
X-men, Batman kasi Sabado kinabukasan at pwede
magpuyat. Nauso yung plastik na laruan na
robot ng Power Rangers. Katulad ito ng voltron.

Bago pa ipalabas sa GMA7 ang voltes 5 at Daimos
e sa channel 13 ko ito unang napanuod. English
pa kaya hindi ko naenjoy ang storya.

Si machineman at si buknoy the fighting ball e
agaw eksena din.

Nasa channel 2 pa ang Eat Bulaga at ang Mel
and Jay at hindi pa ito Mel and Joey.

Grade 3 ata ko nung nauso yung gatorade tapos
yung takip pinapatunog.

Mahirap piratahin ang Betamax at VHS tapes

May free stickers ng Disney movies sa loob ng
Maggi noodles.

Family Computer, Nintendo at Sega ang usong
game consoles.

Si Leonardo di Caprio ang pinakapoging lalake
dahil sa movie na titanic.

Mabenta ang bazooka bubble gums dahil sa comic
strip na nasa pabalat nito.

Si Judy ann Santos at Gladys Reyes ang tunay na
Mara at Clara.

Si Jolina at Marvin at Juday at Wowie ang usong
love team.

Pagkatapos ng Eat Bulaga, mapapanood ang Valiente.

Patutulugin ka na ng nanay mo sa tanghali para
tumangkad.

Pag nasugatan ka, lalabas ang pari at tren sa
sugat.

Uso sa primetime ang Okay ka Fairy ko, Oki doki
doc, Abangan ang susunod na kabanata, palibhasa
lalake at Home along da Riles.

Kilala mo si Buddy en Sol

Batibot ang palabas sa umaga na susundan ng
Teysi ng Tahanan.

ang timeslot na 4:30PM e para sa Ang TV.
esmyuskie!!

Sa channel 5 mapapanuod sila Sailor Moon.

Pinalitan nga ba ng ATBP ang Batibot? tapos
nagkaron ng sineskwela. Doon makikita ang unang
treant protector.

Pang hapon ang schedule mo sa skwelahan kung
mapapanuod mo pa si Georgie.

Tinong Dapat Titihin?

Masarap ang bawal sabi sa ad ng Tanduay Ice.
Masarap ulit ulitin lalo na kung walang pumipigil.
Masarap pag patago. May "thrill".
Mas lalong masarap kung yung dapat na magbawal,
e hindi ka kayang pagbawalan o pwede mong
takpan ng pera ang mata para walang makita.

Kelan lang e laman ng balita itong si mang Antonio
Leviste, ex-Gov ng Batangas. Ilang beses din
syang nakuhanan sa video ng isang investigative
program ng ABS-CBN na nakapagbibyahe at gumagala
sa labas ng Bilibid. Isipin mo, pano nalang kung
walang nagsumbong? Preso parin kayang matatawag
tong taong to?

Tino nga ba ang dapat Titihin?

Hindi natin masasabi na walang ibang nakakaalam
sa gawaing ito ni Leviste. Lalong hindi ako
naniniwala na walang kumita ng pera dito.
Kahapon e napanuod ko sa tv ang isang interview
sa isang naging bilanggo. Para daw kasi magkaron
ka ng pribilehiyo e kelangan mo ng "lagay".
Hindi man nabanggit kung kanino talaga nagbibigay
e maliwanag po na sila sila din lang ang dapat
managot.

Mula sa sakit ng ngipin e napunta ang sisihan sa
mga bantay ng bilibid. mula sa bantay papunta
sa nakatataas, sa bantay ng main gate hanggang
mapunta ang usapin kay Bureau of Corrections
Director Ernesto Diokno. Sya nga naman kasi ang
nasa pwesto na may pinakamataas na katungkulan.
Nabasa ko lang din na sinuspinde nya ang mga
gwardya at opisyal na may kinalaman dito.

Before you point your fingers, make sure your
hands are clean.

Bakit sila lang? Hindi ba may pananagutan ka din?
Huwag nyo po sanang ikatwiran na dinatnan nyo na
ang ganitong sistema. Inappoint ka nga po kase
pinagkatiwala sayo yung tungkulin na maging parte
ng sinasabing tuwid na landas. Ang nangyari kasi e,
Sa sobrang tuwid ng daan e mabilis makalabas at
makapasok yung preso kasi walang liku-liko.

Wag nyo po sanang sisihin yung "Drug syndicate"
sa bilibid na tinuturo nyo pong nasa likod ng
propagandang ito kase, ibang usapin na po yon.
Teka, bakit nga ba may drug syndicate sa bakuran
nyo? Hindi ba trabaho nyong tanggalin sila?

Wag nyo din po sana ikatwiran yung kakulangan ng
tao, o wag nyo din po sana sabihin na madami sila
para bantayan nyo lahat 24/7. Kung ganyan lang din
po e, bakit nyo tinanggap yung pwesto?

Bureau of Corrections po ang pinwestuhan ninyo.
Sana po e hindi iba ang kahulugan nito sa dictionary
o sana manlang nagbabasa kayo nito.

Delicadeza
Diretso ko pong sasabihin na sana e magresign nalang
lahat ng involved at pagdusahan ang kasalanan.
Wag nyo na po sanang kaladkarin sa putikan ang
inyong pangalan. Nahulog na nga po kasi't nadumihan.

If you can't beat them, join them.
Baka po sa susunod e i-legalize na din yan kase
hindi masolusyunan? Baka bukas maging uso na ang
bracelet na posas sa mga kalye.
Baka hindi ko na malaman kung ilan sa mga kasabay
kong kumain sa foodcourt e preso.
Mag-ingat po sana kayong mga dentista kase baka
presong masakit ang ngipin ang pasyente nyo.

Nabasa ko sa balita na nagresign ang isang opisyal
ng nasirang Nuclear Plant sa Japan dahil sa tsunami.
Tanda ng pag-ako ng responsibilidad at pananagutan.
Binasa ko yung mga comments at hindi na ko nagulat
nung nabasa ko na "sana ganyan din ang mga opisyal
dito sa Pilipinas".

PNOY
Bibilib po ako sa inyo kung personal nyo pong
aaksyunan ang problemang ito. Naaalala ko po kasi
na dati e agad ninyong tinanggal si Mr.Prisco Nilo
bilang head ng PAG-ASA dahil sa sinasabing maling
weather forecast nung bumagyo. Masasabi nyo po
kayang binayaran sya ng bagyo para sa maling
weather forecast at sisihin ang kakulangan ng
equipment? Hindi po ba parang nasa parehong lagay
itong si Diokno na dapat imbestigahan at matanggal
din kung mapatunayanng may pananagutan?

Ano nga po kaya? Tino nga po ba ang dapat titihin?

Gunaw 101

Nalalapit na nga daw ang katapusan, pagkagunaw, judgement day,
paghuhukom, second coming o kung anu pa man gusto nyong itawag.
Kelan lang e naging laman ng balita itong si Harold Camping,
isang evangelical christian broadcaster mula Amerika, dahil sa
kanyang prediksyon na magugunaw daw ang mundo nung May 21.

Maraming tumaas ang kilay, natawa, nawindang pero mas marami
atang walang pakelam sa pahayag nyang ito. Sa panahon ngayon
na madaling kumalat ang impormasyon, madaling magpahayag ng
saloobin tungkol dito. Karamihan ay naniniwalang may katapusan
ang mundo PERO walang makapagsasabi kung kelan.

Para sa mga kristyano, tanging ang Diyos Ama lamang ang
nakakaalam kung kelan nya gugunawin ang mundo. Madami pang
nag-post sa Facebook ng mga Bible verses tungkol dito.
Hindi ko na kelangan i-quote. Makikidagdag pa ko sa kanila.

Para sa mga siyentipiko, bilyong taon pa bago masira ang mundo.
Maaaring dahil sa asteroids, pagsabog ng araw, paglindol at
tsunami, ice age, global warming at kung anu ano pa.

Para saken, ayoko munang isipin na magugunaw na ang mundo.
Malay mo magkaron ng alien invasion. O kaya masira mundo as
pagdating ng mga transformers o kaya dahil sa mga kalaban
ni Thor. Hindi pa ata pinapanganak ang tunay na Ben10.
Wag kang makelam. Blog ko to. Lahat pwede ko isulat.

May 21. Kung magugunaw nga ang mundo e gumising ako agad
sinulit ko na ang paglalaro ng Heroes of Newerth!
Nakanuod pa ko ng Pilipinas Got Talent pero walang gunaw.
Natulog.

May 22. Buhay pa ko. Waw. Showing na nga pala ang Pirates
of the Caribbean: On Stranger Tides. Swerte at nakanuod pa!

Nakalinya pa nga pala ang Kung Fu Panda 2 sa listahan ng
gusto kong panuorin sa sinehan. Nakapanlulumo kung iisipin
na magugunaw na ang mundo at hindi ko to mapapanuod.
Kung sakali mang nagunaw ang mundo e magrerequest nalang
ako siguro na lahat ng deds e may libreng film showing.
Kahit hanggang X-men: First Class lang po sana.

May 24. Nabasa ko na naman sa yahoo news ang pangalan ni
Harold Camping. Nung una e naisip ko na baka public apology
ang mababasa ko. Sakit sa ulo. Na-re-sched lang ata ang
gunawan session dahil sabi nya ngayon e Oct 21 na daw ang
petsa. Scroll down. Mas masarap basahin yung comments kesa
sa mismong article. Natatawa ko sa mga comments na nabasa ko.
Subukan mong basahin din. ito yung link:
guuunaaaawww!!!

Seryoso.
Dapat ba literal ang pagdedetalye sa "doomsday?"
Para sa isang taong nawalan ng mahal sa buhay, nawalan ng trabaho,
tinambakan ng kamalasan, naholdap, e para nga namang nagunaw
ang mundo nya. Sige try mo, baka sisihin mo pa ang Diyos.

Diyos nga ba ang wawasak sa mundo?

"Dadating ang araw na gugunawin ng Diyos ang mundo.."

where Man = God;

Unti-unti nang ginagawa ng tao na Diyos ang sarili.
ah, kaya pala.. hindi na ko magtataka.
Mamimili na lang pala kung paano sisirain ang mundo.
Ang simpleng pagwasak sa sariling dignidad bilang tao
ang dahilan ng pagkawasak ng sarili mong mundo.

Wag magulo, problema ito. (created July 24,2009)

Gumising ako.. maingay kasi.. May naglilinis..
Ewan ko, wrong timing.. nagbabawas sila ng mga kung anu anong pwede nang itapon..
Nakita ko yung lumang kahon ko.. Madami na palang laman..
Mga ala-alang ayokong kalimutan.. kung anu anong sulat, balat ng chokolate, lumang damit
na regalo ni.. plastik na pinaglagyan ng damit na regalo ni.. mga sulat ng mga friends at
classmates ko nung retreat.. unang tiket ko nung music summit.. madami.. tinignan ko
yung date sa ilang mga sulat.. matagal na din pala.. me nakita kong mga pictures..
malaki na dn ang nagbago.. madaming taon na dn ang lumipas..
Hindi ko talaga malimutan..
Hindi ko matanggap na ganito ako ngayon..
Hindi ko alam kung pwede ko pang ibalik..
Hindi ko alam kung huli na ang lahat
pero..
lagi ko namang sinasabi na may pag-asa pa..
kaya pa naman.. kung gusto laging merong paraan..

Hindi ko lang matanggap..

Hindi ko kayang isipin..

Hindi ko lang napapansin o ayaw ko lang talagang tanggapin..

na..

na..

na...

POTEKS TUMABA TALAGA AKO!!!

Anak ng tinapay naman o!

Yung T-Shirt na regalu nya e dati mejo maluwag saken..

ngayon sakto na lang! Mejo masikip pa nga e!! waaaaaa!!!

Hwaaaaaa!!

---
Date: May 25, 2011 --> Payat na ko ulet :)